અંજન કુંડના સ્થાનિક પ્રશ્નો અંગે સ્નેહલભાઈ ઠાકરે અને જીજ્ઞેશ સોલંકીની મુલાકાત

લિંગાના રાજા છત્તર સિંગ સૂર્યવંશીની ઉપસ્થિતિમાં પાયાની સુવિધાઓ અને સ્થળના વિકાસ અંગે ચર્ચા

ડાંગ જિલ્લાના પવિત્ર ધાર્મિક અને પ્રાકૃતિક સ્થળ અંજન કુંડ ખાતે આજે જિલ્લા પંચાયત સદસ્ય સ્નેહલભાઈ રામુભાઈ ઠાકરે તથા આહવા તાલુકા પંચાયતની સામાજિક ન્યાય સમિતિના અધ્યક્ષ જીજ્ઞેશ સોલંકીએ મુલાકાત લીધી હતી.

મુલાકાત દરમિયાન લિંગાના રાજા છત્તર સિંગ સૂર્યવંશીની ઉપસ્થિતિમાં અંજન કુંડના સ્થાનિક પ્રશ્નો, જરૂરી પાયાની સુવિધાઓ અને સ્થળના વિકાસ અંગે વિસ્તૃત ચર્ચા કરવામાં આવી હતી.

સ્થાનિક લોકો દ્વારા રજૂ કરાયેલા પ્રશ્નો અને જરૂરી સુવિધાઓ અંગે જાણકારી મેળવી તેમના યોગ્ય નિરાકરણ માટે આગળની કાર્યવાહી અંગે વિચારવિમર્શ કરવામાં આવ્યો હતો.

અંજન કુંડના વિકાસની સાથે સ્થાનિક પ્રશ્નોનું નિરાકરણ આવે અને જરૂરી સુવિધાઓ ઉપલબ્ધ બને તે માટે સાથે મળીને યથાશક્તિ પ્રયત્નો કરવાની ભાવના સાથે મુલાકાત પૂર્ણ થઈ હતી.