ડાંગમાં ગામેગામ ‘મન કી બાત’નો ૧૩૮મો એપિસોડ સામૂહિક રીતે નિહાળાયો

સર્જિકલ સ્ટ્રાઈકની ૧૦મી વર્ષગાંઠના સંદર્ભમાં વડાપ્રધાને ભારતીય સેનાના શૌર્ય અને આતંકવાદ સામેની ‘ઝીરો ટોલરન્સ’ નીતિનો ઉલ્લેખ કર્યો

ડાંગ જિલ્લામાં આજે વિવિધ ગામોમાં ગ્રામજનોએ વડાપ્રધાન નરેન્દ્ર મોદીના રેડિયો કાર્યક્રમ ‘મન કી બાત’ના ૧૩૮મા એપિસોડનું સામૂહિક શ્રવણ અને નિહાળન કર્યું હતું. ગામેગામ યોજાયેલા કાર્યક્રમોમાં ગ્રામજનો સહિત સ્થાનિક આગેવાનો અને કાર્યકરોએ ઉપસ્થિત રહી વડાપ્રધાનનું સંબોધન સાંભળ્યું હતું.

સંબોધન દરમિયાન વડાપ્રધાને વર્ષ ૨૦૧૬ની સર્જિકલ સ્ટ્રાઈકની ૧૦મી વર્ષગાંઠના સંદર્ભમાં ભારતીય સેનાના શૌર્ય અને આતંકવાદ સામે ભારતના અભિગમનો ઉલ્લેખ કર્યો હતો. તેમણે ૨૮ અને ૨૯ સપ્ટેમ્બર, ૨૦૧૬ના રોજ હાથ ધરાયેલી સર્જિકલ સ્ટ્રાઈકને ભારતની આતંકવાદ વિરોધી નીતિની મહત્વપૂર્ણ ઘટના તરીકે યાદ કરી હતી.

વડાપ્રધાને આતંકવાદ સામે ભારતની ‘ઝીરો ટોલરન્સ’ નીતિનો ઉલ્લેખ કરતાં મજબૂત અને નિર્ણાયક પ્રતિસાદ આપવાના સંકલ્પની વાત કરી હતી.

ડાંગના ગ્રામ્ય વિસ્તારોમાં ગ્રામજનોએ વડાપ્રધાનનું સંબોધન ધ્યાનપૂર્વક સાંભળ્યું હતું. કાર્યક્રમ દરમિયાન દેશની સુરક્ષા, સેનાના શૌર્ય અને રાષ્ટ્રહિત સાથે જોડાયેલા મુદ્દાઓ અંગે ગ્રામજનોમાં રસ જોવા મળ્યો હતો.