સેવાધામ ખાતે 176 ભાઈ-બહેનોને તાલીમ પૂર્ણતાના પ્રમાણપત્રો એનાયત કરાયા

સીવણ, કોમ્પ્યુટર, સુથાર અને પ્લમ્બર સહિતની વ્યવસાયલક્ષી તાલીમ પૂર્ણ કરનાર તાલીમાર્થીઓને પ્રમાણપત્ર વિતરણ

ડાંગ : ડાંગ જિલ્લાના આહવા ખાતે ડૉ. આંબેડકર વનવાસી કલ્યાણ ટ્રસ્ટ (સેવાધામ) દ્વારા વિવિધ વ્યવસાયલક્ષી તાલીમ પૂર્ણ કરનાર ભાઈ-બહેનો માટે પ્રમાણપત્ર વિતરણ કાર્યક્રમ યોજાયો હતો. જેમાં ટ્રસ્ટ દ્વારા સીવણ, કોમ્પ્યુટર, સુથાર અને પ્લમ્બર સહિતના વિવિધ લાઇફ સ્કિલ અને વ્યવસાયલક્ષી તાલીમ અભ્યાસક્રમોનું આયોજન કરવામાં આવ્યું હતું. આ તાલીમ સફળતાપૂર્વક પૂર્ણ કરનાર કુલ 176 ભાઈ-બહેનોને પ્રમાણપત્રોનું વિતરણ કરવામાં આવ્યું હતું.

આ પ્રસંગે ટ્રસ્ટના પ્રમુખ તુલસીભાઈ માવાણી ઉપસ્થિત રહ્યા હતા અને તેમના હસ્તે તાલીમાર્થીઓને પ્રમાણપત્રો એનાયત કરવામાં આવ્યા હતા. તેમણે તાલીમાર્થીઓને સંબોધતા જણાવ્યું હતું કે, નવી પેઢી માત્ર શૈક્ષણિક જ્ઞાન પૂરતી સીમિત ન રહે, પરંતુ વિવિધ લાઇફ સ્કિલ અને વ્યવસાયલક્ષી કૌશલ્યો શીખીને આત્મનિર્ભર બને અને જીવનમાં આગળ વધે તે જરૂરી છે. તાલીમ પૂર્ણ કરનાર ભાઈ-બહેનોએ પ્રાપ્ત કરેલા કૌશલ્યોનો ઉપયોગ કરીને રોજગાર અને સ્વરોજગારની નવી તકો ઊભી કરી શકે તેવો આશાવાદ પણ વ્યક્ત કરવામાં આવ્યો હતો. કાર્યક્રમના અંતે તાલીમાર્થીઓમાં ઉત્સાહ અને આનંદનો માહોલ જોવા મળ્યો હતો.