સોમનાથ તળાવની ફરતે મુકવામાં આવેલી બ્યુટીફીકેશન લાઈટ ચાલુ કરવા માંગ

બીલીમોરા : સોમનાથ તળાવની ફરતે મુકવામાં આવેલી બ્યુટીફીકેશન લાઈટ ચાલુ કરવા માંગ કરી બીલીમોરા નગરપાલિકાના સભ્યએ ચીફ ઓફિસરને લેખિતમાં રજૂઆત કરી છે.

બીલીમોરા નગરપાલિકાના સભ્ય મલંગ કોલીયાએ ચીફ ઓફિસરને કરેલી લેખિત રજુઆતમાં જણાવ્યું હતું કે, સોમનાથ તળાવની ફરતે મુકવામાં આવેલો લાઈટ જેનો વર્કઓર્ડર 2025 માં આપવામાં આવ્યો હતો. જે કામ 78 લાખ રૂપિયાના ખર્ચે કરવામાં આવ્યો છે.

આ લાઈટ છેલ્લા બે મહિનાથી બંધ છે. જે બાબતે વાંરવાર મૌખિક રજુઆતો કરવામાં આવી હોવા છતાં હજી સુધી લાઈટ ચાલુ થઇ નથી. જેથી સ્થાનિકોને મુશ્કેલી પડી રહી છે.

આ કોન્ટ્રાકટરની મુદ્દત 2028 સુધીની છે. રીપેર તેમજ જરૂરી વાયરો બદલવાની પાલિકા તરફથી નોટીસ આપવામાં આવે, પરંતુ બીજી નોટીસ હજી સુધી મળી નથી. ગત 4થી ઓગષ્ટે મોકલાવેલી નોટીસ પાછી આવી છે.

દુખની વાત એ છે નગરપાલીકાની ઓફીસ કે જ્યાં ચીફ ઓફિસર અને અધિકારી બેસે છે તેની પાછળનો જ ભાગ છે. તેમ છતાં લાઈટો બંધ રહે તો શા માટે અત્યાર સુધી પગલા લેવામાં ન આવ્યા અને નોટીસ પરત કેમ આવી તેવો સવાલ પૂછી તપાસ કરવાની માંગ કરી છે.

હાલમાં શ્રાવણ માસ ચાલે છે અને હજરો લોકો દર્શનાર્થે આવે છે. તળાવ પણ ભરેલું છે. જેની પાસેથી રોડ પસાર થાય છે તે હાલ ઈમરજન્સી વાહનો માટે ઘણો ઉપયોગી છે.

જો 10 દિવસમાં બંધ લાઈટો ચાલુ કરવામાં ન આવે તો આંદોલન કરવાની ચીમકી ઉચ્ચારી હતી.