છાપર ગામે મીટીંગમાં પુર સંઘર્ષ સમિતિના સભ્યો વચ્ચે ઝપાઝપી થઇ

મીટીંગ બાબતે વોટ્સએપ ગ્રુપમાં મેસેજ ન કરતા મીટીંગમાં ગરમા-ગરમી થતા સભ્યો બાખડયા

નવસારી : પુરની પરિસ્થિતિ સામે લડવા માટે બનાવેલી પુર સંઘર્ષ સમિતિના સભ્યો મીટીંગ દરમિયાન મીટીંગ બાબતે વોટ્સએપ ગ્રુપમાં મેસેજ ન કરતા કેટલાક સભ્યો વચ્ચે શાબ્દિક યુદ્ધ થયા બાદ મામલો ગરમાતા ઝપાઝપી કરવા લાગ્યા હતા.

પુરની પરિસ્થિતિ સામે લડવા માટે વિવિધ વિસ્તારના આગેવાનોએ પુર સંઘર્ષ સમિતિ બનાવી છે. સાથે જ પુર સંઘર્ષ સમિતિના આગેવાનો અને સભ્યો મળી એક વોટ્સએપ ગ્રુપ બનાવ્યું છે. જેથી સરળતાથી સમિતિના સભ્યોને તમામ પરિસ્થિતિ બાબતની જાણ થઇ શકે.

દર વર્ષે અંબિકા નદીના કાંઠાના ગામોમાં સર્જાતી પુરની પરિસ્થિતિ સામે લડવા અને કાયમી ઉકેલ લાવવાના હેતુથી ગણદેવી તાલુકાના છાપર ગામે પુર સંઘર્ષ સમિતિની એક મીટીંગ મળી હતી.

જે મીટીંગમાં પુર સંઘર્ષ સમિતિના વોટ્સએપ ગ્રુપમાં મીટીંગ અંગેની જાણ કે માહિતી કરવામાં ન આવી હોવાનો મુદ્દો ચર્ચાયો હતો. જે મુદ્દે ચર્ચા કરતા મીટીંગમાં કેટલાક સભ્યો વચ્ચે શાબ્દિક યુદ્ધ થતા મીટીંગ ગરમાઈ હતી.

દરમિયાન કેટલાક યુવાનો રોષે ભરાતા શબ્દિક યુદ્ધ ઝપાઝપીમાં પરિણમ્યું હતું. જોકે સમિતિના કેટલાક આગેવાનો અને સભ્યો મામલો ઠંડો પાડી રહ્યા હતા. પરંતુ મામલો શાંત ન થતા પોલીસને જાણ કરવામાં આવી હતી.

બીજી તરફ પુરની પરિસ્થિતિ સામે લડવા માટે બનાવેલી પુર સંઘર્ષ સમિતિના સભ્યો એકબીજા સાથે જ બાખડી રહ્યા હોવાના વિડીયો પણ વાઈરલ થયા હતા.

મીટીંગમાં શું બન્યું?

છાપર ગામે પુર સંઘર્ષ સમિતિની મીટીંગ યોજાઈ.

મીટીંગ અંગે વોટ્સએપ ગ્રુપમાં અગાઉથી જાણ ન કરવાના મુદ્દે ચર્ચા થઈ.

ચર્ચા દરમિયાન કેટલાક સભ્યો વચ્ચે શાબ્દિક બોલાચાલી થઈ.

મામલો ગરમાતા ઝપાઝપી સર્જાઈ.

હાજર સભ્યો દ્વારા મામલો શાંત કરવાનો પ્રયાસ કરવામાં આવ્યો.

બાદમાં પોલીસને જાણ કરવામાં આવી.

ઘટનાના વીડિયો સોશિયલ મીડિયામાં વાઈરલ થયા હોવાનું લેખમાં જણાવાયું છે.