ડાંગમાં ગણેશોત્સવનો ભક્તિમય પ્રારંભ: આહવા સહિત ગામેગામ ગણપતિ બાપાની ધામધૂમથી સ્થાપના

ઢોલ-નગારાના નાદ અને “ગણપતિ બાપા મોરિયા”ના જયઘોષ વચ્ચે ભક્તિમય માહોલ છવાયો

ડાંગ : ડાંગ જિલ્લાના મુખ્ય મથક આહવા સહિત વિવિધ ગામોમાં ગણેશ ચતુર્થી નિમિત્તે વિઘ્નહર્તા ગણપતિ બાપાની સ્થાપના ધામધૂમ અને ભક્તિભાવપૂર્વક કરવામાં આવી હતી. ભક્તોએ ગણપતિ બાપાની મૂર્તિઓનું સ્થાપન કરી પૂજન-અર્ચન સાથે ગણેશોત્સવનો પ્રારંભ કર્યો હતો.

વિવિધ વિસ્તારોમાં ગણપતિ પંડાલોને આકર્ષક રીતે શણગારવામાં આવ્યા હતા. ઢોલ-નગારાના નાદ અને “ગણપતિ બાપા મોરિયા”ના જયઘોષ વચ્ચે ગણેશજીની સ્થાપના થતાં સમગ્ર ડાંગ જિલ્લામાં ઉત્સવનો માહોલ જોવા મળ્યો હતો.

ગણપતિ બાપાને વિઘ્નહર્તા અને સુખ-સમૃદ્ધિના દાતા માનતા ભક્તોએ પરિવાર, સમાજ અને સમગ્ર ડાંગ જિલ્લામાં સુખ, શાંતિ અને સમૃદ્ધિ જળવાઈ રહે તેવી પ્રાર્થના કરી હતી.