ઇનર વ્હીલ ક્લબ ઓફ નવસારી દ્વારા પૂરગ્રસ્ત 33 પરિવારોને વાસણ કીટનું વિતરણ કરાયું

નવસારી : પૂરગ્રસ્ત પરિવારોને જરૂરી સહાય પૂરી પાડવાના હેતુથી ઇનર વ્હીલ ડિસ્ટ્રિક્ટ 306 દ્વારા સમગ્ર જિલ્લામાં એક માનવતાવાદી પહેલ હાથ ધરવામાં આવી હતી. આ અંતર્ગત તમામ ક્લબોને 1,500 રૂપિયાની કિંમતની વાસણ કીટ માટે યોગદાન આપવા અપીલ કરવામાં આવી હતી. વિવિધ ક્લબોના સહયોગથી એકત્રિત થયેલી રકમને પૂરથી અસરગ્રસ્ત પાંચ ક્લબમા વહેંચવામાં આવી હતી. આ પહેલ અંતર્ગત ઇનર વ્હીલ ક્લબ ઓફ નવસારીને 49,600 રૂપિયાની રકમ પ્રાપ્ત થઈ હતી. જેના દ્વારા 33 વાસણ કીટ તૈયાર કરી પૂરગ્રસ્ત પરિવારોને આપવામાં આવી. કીટમાં દૈનિક જીવનમાં ઉપયોગી જરૂરી ઘરવપરાશના વાસણોનો સમાવેશ કરવામાં આવ્યો હતો. જેથી અસરગ્રસ્ત પરિવારોને મુશ્કેલ સમયમાં વ્યવહારુ સહાય મળી રહે અને તેઓ પોતાના દૈનિક જીવનને ફરીથી સુવ્યવસ્થિત કરી શકે.

આ પ્રોજેક્ટ પ્રોજેક્ટ ચેર રક્ષાબેનના સહયોગથી, ડિસ્ટ્રિક્ટ ડીઝાસ્ટર સર્વિસ પ્રોજેક્ટ કો-ઓર્ડિનેટર પી.ડી.સી બીનાબેનના સંકલનથી અને ડિસ્ટ્રિક્ટ ચેરમેન સ્નેહા ભગતના માર્ગદર્શન હેઠળ સફળતાપૂર્વક પૂર્ણ કરવામાં આવ્યો. આ સમગ્ર પહેલને પ્રેસિડેન્ટ જિગીષા ભટ્ટ અને સેક્રેટરી અલ્કાબેન પટેલ તથા પી. ડી.સી. તેજલબેન, છાયા બેન, કીર્તિબેન, ફાલ્ગુનીબેન, લેખાબેન, અંજનાબેન નો મહત્વ પૂર્ણ સહયોગ મળ્યો.