લુન્સીકુઈ મેદાન ખાતે ‘એક દીવો આશીર્વાદનો’ કાર્યક્રમ યોજાયો

બહેનોએ મોટી સંખ્યામાં દીપ પ્રગટાવી વડાપ્રધાન નરેન્દ્રભાઈ મોદીને જન્મદિવસની શુભેચ્છાઓ પાઠવી

નવસારી : વડાપ્રધાન નરેન્દ્રભાઈ મોદીના જન્મદિવસ નિમિત્તે જનકલ્યાણની ભાવના સાથે નવસારીના લુન્સીકુઈ મેદાન ખાતે ‘એક દીવો આશીર્વાદનો’ કાર્યક્રમનું આયોજન કરવામાં આવ્યું હતું.

આ પ્રસંગે બહેનોએ મોટી સંખ્યામાં ઉપસ્થિત રહી દીપ પ્રગટાવી વડાપ્રધાન નરેન્દ્રભાઈ મોદીને જન્મદિવસની શુભેચ્છાઓ પાઠવી હતી. દીપ પ્રાગટ્ય દ્વારા દેશ અને સમાજના કલ્યાણ, સુખ-સમૃદ્ધિ તથા વિકાસ માટે શુભકામનાઓ વ્યક્ત કરવામાં આવી હતી.

કાર્યક્રમ દરમિયાન ભારતમાતા તથા શ્રી ગણેશજીની સામૂહિક આરતી કરવામાં આવી હતી. ઉપસ્થિત સૌએ દેશની સુખાકારી, શાંતિ, સમૃદ્ધિ અને સર્વાંગી વિકાસ માટે પ્રાર્થના કરી હતી.

આ કાર્યક્રમમાં નવસારી મહાનગરપાલિકાના મેયર અશોકભાઈ ધોરાજીયા, નવસારી ધારાસભ્ય રાકેશભાઈ પટેલ, ભાજપ પ્રમુખ ભુરાભાઈ શાહ, નવસારી જિલ્લા કલેક્ટર મનીષ ગુરવાની, જિલ્લા વિકાસ અધિકારી કાર્તિક જીવાણી, મ્યુનિસિપલ કમિશનર જયેશ ઉપાધ્યાય સહિત પદાધિકારીઓ, મોટી સંખ્યામાં બહેનો તથા નગરજનો ઉપસ્થિત રહ્યા હતા.

સમગ્ર કાર્યક્રમ દરમિયાન જનકલ્યાણ, સેવાભાવ, એકતા અને સમાજના સર્વાંગી વિકાસનો સંદેશ આપવામાં આવ્યો હતો.