નવસારીમાં 10 ખાનગી સિક્યુરીટી એજન્સી વિરુદ્ધ જાહેરનામા ભંગના કેસ

નવસારી : સુરત વિભાગના પોલીસ મહાનિરીક્ષક પ્રેમવીરસિંઘે નવસારી જીલ્લા પોલીસ અધિક્ષક રાહુલ પટેલને કાયદો અને વ્યવસ્થા જળવાઈ રહે તે અનુસંધાને નવસારી જીલ્લામાં કોઈ અનિચ્છનીય બનાવ ન બને તે હેતુથી નવસારી જીલ્લામાં આવેલી સિક્યુરીટી એજન્સીઓને ચેક કરી વગર લાયસન્સે સિક્યુરીટી એજન્સીઓ તેમજ બિન તાલીમ પામેલા સિક્યુરીટી ગાર્ડ તેમજ બાયોડેટા વેરીફીકેશન ન કરાવેલ સિક્યુરીટી ગાર્ડને ચેક કરી કાયદેસરની કાર્યવાહી કરવા સુચના આપી હતી.

જે સુચના અનુસાર અસરકારક અને પરિણામલક્ષી કામગીરી કરવા નવસારી સ્પેશિયલ ઓપરેશન ગૃપના પી.આઈ. આર.એસ. પટેલે પી.એસ.આઈ. આર.જી. વસાવા અને એસ.ઓ.જી.ના કર્મચારીઓની અલગ-અલગ ટીમો બનાવવામાં આવી હતી.

જે ટીમો દ્વારા જીલ્લાના અલગ-અલગ વિસ્તારોમાં આકસ્મિક ચેકીંગની કામગીરી ધરી હતી. જીલ્લામાં આવેલી સિક્યુરીટી એજન્સીઓને ચેક કરી વગર લાયસન્સે સિક્યુરીટી એજન્સી, બિન તાલીમ પામેલા સિક્યુરીટી ગાર્ડ તેમજ બાયોડેટા વેરીફીકેશન ન કરાવેલા સિક્યુરીટી ગાર્ડની તપાસ કરતા નવસારી જીલ્લામાં 10 સિક્યુરીટી એજન્સીના સંચાલકો વિરુદ્ધ જાહેરનામા ભંગના કેસો કરવામાં આવ્યા છે.

જે એજન્સીઓ વિરુદ્ધ ગુના દાખલ થયા

નિકિતા ઇન્ડસ્ટ્રીયલ સિક્યુરીટી

બેસ્ટ સિક્યોરીટી એજન્સી

નવસારી સિક્યોરીટી એન્ડ પર્સનલ સર્વિસ

ગુજરાત સિક્યુરીટી સર્વિસ પ્રાઈવેટ લી.

રોયલ સિક્યોરીટી સર્વિસ

લાયન્સ ઇન્ડસ્ટ્રીયલ સિક્યુરીટી એન્ડ મેનેજમેન્ટ સર્વિસ પ્રા.લી.

સૃષ્ટિ સિક્યુરીટી સર્વિસીસ

ફોર્સ-1 સિક્યુરીટી સર્વિસીસ

રામદેવપીર સિક્યુરીટી સર્વિસીસ

ફોર્સ-11 સિક્યુરીટી સર્વિસીસ

ઉપરોક્ત તમામ સિક્યુરીટી એજન્સીઓ વિરુદ્ધ જાહેરનામા ભંગના ગુના દાખલ કરવામાં આવ્યા છે.

નવસારી જીલ્લા પોલીસ દ્વારા જીલ્લાના નાગરિકોને જાહેર અપીલ કરી છે કે, સોસાયટી, કારખાનાઓ વગેરે જગ્યાએ રાખવામાં આવતા સિક્યુરીટી ગાર્ડના બાયોડેટા વેરીફીકેશન કરાવી તેમજ માન્ય લાયસન્સ ધરાવતી સિક્યુરીટી એજન્સીના ગાર્ડ રાખવા.