નવસારી જિલ્લામાં પ્રથમ રવિવારે સ્વચ્છતા અભિયાન વૃક્ષારોપણ અને કેચ ધ રેન સહિતની વ્યાપક કામગીરી હાથ ધરવામાં આવી

જલાલપુર તાલુકાના ઓંજલ બીચ ખાતે સ્વચ્છતા અભિયાન, વૃક્ષારોપણ અને કેચ ધ રેન કામગીરી યોજાઈ

નવસારી : સ્વચ્છતા, પર્યાવરણ સંરક્ષણ અને જળસંચય અંગે જનજાગૃતિ વધારવાના હેતુસર જલાલપુર તાલુકાના ઓંજલ ખાતે વિવિધ સ્વચ્છતા અને પર્યાવરણલક્ષી કામગીરી હાથ ધરવામાં આવી હતી.

જલાલપુર તાલુકાના ઓંજલ ખાતે આઈકોનિક પ્લેસ તરીકે ઓળખાતા ઓંજલ બીચ ખાતે નાયબ કલેક્ટર-૧ દ્રષ્ટિ શુક્લાની ઉપસ્થિતિમાં સ્વચ્છતા ઝુંબેશ હાથ ધરવામાં આવી હતી. આ દરમિયાન બીચ પરિસરની સફાઈ કરી સ્વચ્છતા જાળવવા અંગે જરૂરી કામગીરી કરવામાં આવી હતી.

આ સાથે સુલતાનપુર, આટ અને ખંભલાવ સહિતના સ્થળોની મુલાકાત લઈ સ્વચ્છતા અને અન્ય વ્યવસ્થાઓનું નિરીક્ષણ કરવામાં આવ્યું હતું. તેમજ સેગ્રીગેશન શેડની પણ મુલાકાત લઈ કચરાના યોગ્ય વર્ગીકરણ અને વ્યવસ્થાપન અંગેની કામગીરીની સમીક્ષા કરવામાં આવી હતી.

પ્રથમ રવિવાર નિમિત્તે યોજાયેલી આ સ્વચ્છતા ઝુંબેશ અંતર્ગત વૃક્ષારોપણની કામગીરી પણ કરવામાં આવી હતી. ઉપરાંત કેચ ધ રેન પ્રોજેક્ટ અંતર્ગત વરસાદી પાણીના સંચય અને જળસંચય માટેની જરૂરી મરામત કામગીરી પૂર્ણ કરવામાં આવી હતી.