નવસારીમાં વડાપ્રધાનના આગમનને પગલે જલાલપોર ધારાસભ્યએ સ્થળ મુલાકાત લીધી

નમો કમલમ કાર્યાલયના ઉદ્ઘાટન અને સભા સ્થળની તૈયારીઓની આર.સી. પટેલે સમીક્ષા કરી

નવસારી : વડાપ્રધાન નરેન્દ્રભાઈ મોદીના આગામી નવસારી પ્રવાસ અને નવનિર્મિત નમો કમલમ કાર્યાલયના ઉદ્ઘાટન સહિતના કાર્યક્રમોને ભવ્ય તથા સુચારુ રીતે સંપન્ન કરવા માટે વહીવટી તંત્ર દ્વારા તૈયારીઓ પૂરજોશમાં ચાલી રહી છે.

આ સાથે કમલમ કાર્યાલય આસપાસ સઘન વૃક્ષારોપણ ઝુંબેશ પણ હાથ ધરવામાં આવી છે. ત્યારે આજે જલાલપોરના ધારાસભ્ય આર.સી. પટેલે ભાજપના કાર્યકર્તાઓ સાથે સભા સ્થળની મુલાકાત લીધી હતી.

મુલાકાત દરમિયાન તેમણે ઉદ્ઘાટન કાર્યક્રમની તૈયારીઓ, સ્થળ વ્યવસ્થા તેમજ કાર્યક્રમને લગતી અન્ય જરૂરી સુવિધાઓની વિગતવાર સમીક્ષા કરી હતી.