વડાપ્રધાન નરેન્દ્ર મોદીના જન્મદિવસ નિમિત્તે આહવાના તળાવ ખાતે સ્વચ્છતા અભિયાન

ભાજપના કાર્યકરો અને હોદ્દેદારોએ તળાવ પરિસરમાં સફાઈ કરી સ્વચ્છતા અંગે જાગૃતિનો સંદેશ આપ્યો

ડાંગ : દેશના વડાપ્રધાન નરેન્દ્ર મોદીના જન્મદિવસ નિમિત્તે ડાંગ જિલ્લાના મુખ્ય મથક આહવા ખાતે ભારતીય જનતા પાર્ટી દ્વારા સ્વચ્છતા અભિયાન હાથ ધરવામાં આવ્યું હતું.

આહવાના તળાવ ખાતે યોજાયેલા આ અભિયાનમાં ભારતીય જનતા પાર્ટીના કાર્યકરો તેમજ હોદ્દેદારોએ ઉત્સાહપૂર્વક ભાગ લીધો હતો. કાર્યકરો દ્વારા તળાવ પરિસરમાં સાફ-સફાઈ કરી સ્વચ્છતા જાળવવા અંગેનો સંદેશ આપવામાં આવ્યો હતો.

આ અભિયાનનો મુખ્ય હેતુ જાહેર સ્થળોની સ્વચ્છતા જાળવવા તેમજ નાગરિકોમાં સ્વચ્છતા પ્રત્યે જાગૃતિ કેળવવાનો હતો. ભાજપના કાર્યકરો અને હોદ્દેદારોની ઉપસ્થિતિમાં યોજાયેલા કાર્યક્રમ દ્વારા સ્વચ્છ અને સુંદર આહવા માટે સામૂહિક જવાબદારીનો સંદેશ આપવામાં આવ્યો હતો.