આરટીઓ ઈ-ચલણના નામે સાયબર ફ્રોડના કેસમાં બે આરોપી પુણેથી ઝડપાયા
આરટીઓ ઈ-ચલણના નામે સાયબર ફ્રોડના કેસમાં બે આરોપી પુણેથી ઝડપાયા
ફાઈલ મોકલી મોબાઈલ હેક કરીને નાણાં ટ્રાન્સફર કર્યાની ફરિયાદ; જલાલપોર પોલીસે ટેકનિકલ એનાલિસિસના આધારે બંને આરોપીઓને ઝડપી પાડ્યા
નવસારી : આરટીઓ ઈ-ચલણના નામે ફાઈલ મોકલી મોબાઈલ હેક કરીને નાણાં ટ્રાન્સફર કરવાના સાયબર ફ્રોડના ગુનામાં જલાલપોર પોલીસે મહારાષ્ટ્રના પુણે જિલ્લામાંથી બે આરોપીઓને ઝડપી પાડી આગળની કાર્યવાહી હાથ ધરી છે.
દીપકભાઈ પ્રવિણભાઈ ડુમસિયાએ જલાલપોર પોલીસ મથકે નોંધાવેલી ફરિયાદ મુજબ, ગત 31મી ઓગસ્ટથી 6ઠ્ઠી સપ્ટેમ્બર દરમિયાન તેમના મોબાઈલ નંબર પર આરટીઓ ઈ-ચલણના નામે એક ફાઈલ મોકલવામાં આવી હતી. આ ફાઈલ દ્વારા તેમનો મોબાઈલ હેક કરીને અમુક રકમ બેંક ઓફ મહારાષ્ટ્રમાં નિખિલ સુનિલભાઈ અંબોડેના નામે રહેલા ખાતામાં ટ્રાન્સફર કરવામાં આવી હોવાનો ફરિયાદમાં આક્ષેપ છે.
ફરિયાદના આધારે જલાલપોર પોલીસે અલગ-અલગ ટીમો બનાવી ટેકનિકલ એનાલિસિસ હાથ ધર્યું હતું. તપાસ દરમિયાન મહારાષ્ટ્રના પુણે જિલ્લાના ઈંદાપૂર તાલુકાના સાંસર ગામે ઇરીગેશન બંગલોમાં રહેતો નિખિલ સુનિલભાઈ અંબોડે હાલ પુણે વિસ્તારમાં હાજર હોવાની માહિતી મળી હતી. તેના આધારે પોલીસ ટીમે પુણે જઈને નિખિલને ઝડપી પાડ્યો હતો.
પોલીસના જણાવ્યા મુજબ, નિખિલની પૂછપરછ દરમિયાન આ ગુનામાં પુણે જિલ્લાના બારામતી તાલુકાના વાઘોલવાડી ગામે સોમેશ્વરનગરમાં રહેતા સૈરાજ અશોકભાઈ લોંઢેની સંડોવણી સામે આવી હતી. ત્યારબાદ પોલીસે ટેકનિકલ એનાલિસિસના આધારે સૈરાજને પણ બારામતી ખાતેથી ઝડપી પાડ્યો હતો.
બંને આરોપીઓને જલાલપોર પોલીસ મથકે લાવી તેમની વિરુદ્ધ આગળની કાયદેસરની કાર્યવાહી હાથ ધરવામાં આવી છે.
સંબંધિત સમાચાર
ગાંધી ફાટકથી એરૂ રોડ પર પૂરઝડપે આવેલી કારની ટક્કરે 55 વર્ષના લારીચાલકનું મોત
પુત્રની ફરિયાદના આધારે જલાલપોર પોલીસે કારચાલકને ઝડપ્યો; ચાલક નશામાં હોવાનો સ્થાનિકોનો આક્ષેપ, વિસ્તારમાં પેટ્રોલિંગ અને સ્ટ્રીટ લાઇટની માંગ નવસારી : ગાંધી ફાટકથી એરૂ ચાર રસ્તા તરફના માર્ગ પર પૂરઝડપે આવેલી કારની ટક્કરે 55 વર્ષના લારીચાલક અરૂણભાઈ દેવશંકર ઉપાધ્યાયનું ઘટનાસ્થળે જ મોત નીપજ્યું હતું. અકસ્માત બાદ કારચાલક અને તેનો મિત્ર કાર મૂકીને નાસી ગયા હતા. જલાલપોર…
વધુ વાંચો
ગણદેવીના ઘોલાઇ બંદરે સરકારી જમીન પરથી ગેરકાયદેસર દબાણો દૂર કરાયાં
દરિયાઈ સુરક્ષાને ધ્યાનમાં રાખીને 18 જેટલી દુકાનો, શેડ અને અન્ય દબાણો હટાવાયાં; અંદાજે 2 હજાર ચો.મી. સરકારી જમીન ખુલ્લી કરાઈ નવસારી : ગણદેવી તાલુકાના ઘોલાઇ બંદર ખાતે સરકારી જમીન પર દુકાનો, બાંધકામો અને શેડ સ્વરૂપે થયેલાં ગેરકાયદેસર દબાણો અંગે ફરિયાદો મળતાં તંત્રએ દરિયાઈ સુરક્ષાને ધ્યાનમાં રાખીને ગત 24મી સપ્ટેમ્બરથી દબાણ દૂર કરવાની કામગીરી શરૂ કરી…
વધુ વાંચો
વાંસદામાં ખેરનાં 6 વૃક્ષો કાપી લાકડું સગેવગે કરવાની તૈયારીમાં 7 ઝડપાયા
વન વિભાગે રાણી ફળિયા વિસ્તારમાંથી 2.026 ઘનમીટર ખેરનું લાકડું, ટેમ્પો અને 3 બાઇક જપ્ત કરી વાંસદા : વાંસદામાં વણારસી જતા મુખ્ય માર્ગ નજીક ખેરનાં 6 વૃક્ષો કાપી લાકડું સગેવગે કરવાની તૈયારીમાં રહેલા 7 શખ્સોને વન વિભાગની ટીમે ઝડપી પાડ્યા હતા. સ્થળ પરથી ખેરનું લાકડું, એક ટેમ્પો અને 3 બાઇક જપ્ત કરીને આગળની કાર્યવાહી હાથ ધરવામાં…
વધુ વાંચો
ઇટાળવા–ગણેશ સિસોદ્રા રોડ પર નીલ કોમ્પલેક્ષના બાંધકામને લઈ વિવાદ
આદિવાસીની જમીન પર કબજો અને ખેતીની જમીન પર પરવાનગી વિના બાંધકામના સ્થાનિકોના આક્ષેપો; મામલતદાર દ્વારા તપાસની માંગ નવસારી મહાનગરપાલિકા વિસ્તારમાં આવેલા ઇટાળવા–ગણેશ સિસોદ્રા રોડ પર નીલ કોમ્પલેક્ષ નામના શોપિંગ સેન્ટરના બાંધકામને લઈને વિવાદ ઊભો થયો છે. સ્થાનિકોએ આક્ષેપ કર્યો છે કે, કોમ્પલેક્ષનો એક ભાગ ઇટાળવા ગામના પૂર્વ સરપંચે આદિવાસી રહીશની જમીન પર અને બીજો ભાગ…
વધુ વાંચો