ભૂતનાથ મહાદેવ મંદિરે શિવલિંગને ભસ્મ અને વડની ડાળીઓનો શૃંગાર કરાયો

પવિત્ર શ્રાવણ માસના ત્રીજા સોમવારે વિશેષ પૂજા-અર્ચના, દિવ્ય દર્શન માટે મોટી સંખ્યામાં શિવભક્તો ઉમટ્યા

નવસારી: પવિત્ર શ્રાવણ માસના ત્રીજા સોમવારે નવસારીના દૂધિયા તળાવ પાસે આવેલા ભૂતનાથ મહાદેવ મંદિરે વિશેષ પૂજા-અર્ચના યોજાઈ હતી. શિવજીને પવિત્ર ભસ્મ, વડની ડાળીઓ તથા લીલા પાન વડે અલૌકિક અને મનોહર શૃંગાર કરવામાં આવ્યો હતો. આ દિવ્ય દર્શનનો લાભ લેવા વહેલી સવારથી જ મોટી સંખ્યામાં શિવભક્તો ઉમટી પડ્યા હતા. જેથી વાતાવરણ ભક્તિમય બન્યું હતું.