બીલીમોરામાં ઈદ-એ-મિલાદના અનુસંધાને શાંતિ સમિતિની બેઠક યોજાઈ

બીલીમોરા : ઈદ-એ-મિલાદના પર્વને અનુલક્ષીને બીલીમોરા પોલીસ સ્ટેશન ખાતે શાંતિ સમિતિની બેઠક યોજાઈ હતી. આ બેઠકમાં બીલીમોરા શહેર તથા આસપાસના ગામોના આગેવાનો, મહાનુભાવો, શાંતિ સમિતિના સભ્યો તેમજ પોલીસ વિભાગના અધિકારીઓ ઉપસ્થિત રહ્યા હતા. આ બેઠક દરમિયાન ઈદ-એ-મિલાદ પર્વ શાંતિપૂર્ણ અને ભાઈચારા સાથે ઉજવાય તે અંગે જરૂરી ચર્ચા કરવામાં આવી હતી. પોલીસ તંત્ર દ્વારા પર્વ દરમિયાન કાયદો અને વ્યવસ્થા જળવાઈ રહે, કોઈ અનિચ્છનીય બનાવ ન બને તેમજ શહેરમાં શાંતિ અને સૌહાર્દપૂર્ણ વાતાવરણ જળવાઈ રહે તે માટે સૌના સહકારની અપીલ કરવામાં આવી હતી.

આ બેઠકમાં ઉપસ્થિત આગેવાનો અને મહાનુભાવોએ પણ શાંતિ, એકતા અને ભાઈચારાની ભાવના સાથે પર્વની ઉજવણી કરવા સહકાર આપવાની ખાતરી આપી હતી.