નવસારી ભેંસતખાડા મંદિરમાં રક્તદાન શિબિર યોજાઈ

શ્રી હૈરકાકાબાપા મંદિર સમિતિના આયોજનમાં સેવાભાવી ભાઈ-બહેનોએ ઉત્સાહભેર રક્તદાન કરી માનવતાની મહેક ફેલાવી

નવસારી : નવસારીના ભેંસતખાડા વિસ્તારમાં આવેલા શ્રી હૈરકાકાબાપા મંદિર સમિતિ દ્વારા મંદિરના પટાંગણમાં ભવ્ય રક્તદાન શિબિરનું આયોજન કરવામાં આવ્યું હતું.

આ સેવાકીય કાર્યમાં અનેક સેવાભાવી ભાઈઓ અને બહેનોએ ઉત્સાહભેર રક્તદાન કરી માનવતાની મહેક ફેલાવી હતી. રક્તદાતાઓનો જુસ્સો વધારવા તેમજ આ સેવાકીય કાર્યને બિરદાવવા માટે નવસારીના ધારાસભ્ય રાકેશભાઈ દેસાઈ, નવસારી મનપાના કોર્પોરેટર બિપીનભાઈ, વિરેન્દ્રભાઈ, માજી સભ્ય પરેશભાઈ પટેલ તથા આગેવાનો નરેશભાઈ, શૈલેષભાઈ અને મનોજભાઈ ઉપસ્થિત રહ્યા હતા.

આ ઉપરાંત સમાજના અન્ય અગ્રણીઓ અને મહાનુભાવોની ઉપસ્થિતિથી સમગ્ર કાર્યક્રમની શોભામાં અભિવૃદ્ધિ થઈ હતી.