નવસારીના ટાવર વિસ્તારમાં શોર્ટસર્કિટથી દેવજી બેગની દુકાનમાં આગ

ફાયર વિભાગે આગ કાબુમાં લીધી; દુકાનનો ઘણો સામાન બળીને ખાખ, કોઈ જાનહાનિ નહીં

નવસારી શહેરના ટાવર વિસ્તારમાં આવેલી દેવજી બેગ નામની દુકાનમાં આજે બપોરે શોર્ટસર્કિટને કારણે અચાનક આગ લાગી હતી. શોર્ટસર્કિટથી ઉડેલા તણખલાથી આગ પકડાઈ હતી અને જોતજોતામાં આગે વિકરાળ સ્વરૂપ ધારણ કર્યું હતું.

દુકાનમાંથી ધુમાડાના ગોટેગોટા નીકળતાં સ્થાનિકોમાં અફરાતફરી મચી હતી. ઘટનાની જાણ થતાં નવસારી ફાયર વિભાગની ટીમ તાત્કાલિક સ્થળ પર પહોંચી હતી અને પાણીનો મારો ચલાવી આગને કાબુમાં લીધી હતી.

જોકે આગ કાબુમાં આવે તે પહેલાં દુકાનમાં રહેલો ઘણો સામાન બળીને ખાખ થઈ ગયો હતો. આ ઘટનામાં કોઈ જાનહાનિ થઈ ન હતી.