નવસારીની નિધિ રાઘવે કુડો સ્ટેટ ચેમ્પિયનશિપમાં ગોલ્ડ મેડલ જીત્યો

14મી ગુજરાત સ્ટેટ કુડો ચેમ્પિયનશિપમાં સુવર્ણ સફળતા સાથે ‘નવસારી કુડો સ્ટુડન્ટ ઓફ ધ યર’ એવોર્ડથી પણ સન્માન

નવસારી : સુરત ખાતે યોજાયેલી 14મી ગુજરાત સ્ટેટ કુડો ચેમ્પિયનશિપમાં નવસારીની નિધિ અરવિંદ રાઘવ, ગણેશ સિસોદ્રાએ ગોલ્ડ મેડલ જીતી મહત્વપૂર્ણ સિદ્ધિ હાંસલ કરી છે. તેની આ સફળતાથી પરિવાર, સમાજ અને નવસારીનું નામ રોશન થયું છે.

નિધિની આ સિદ્ધિ સાથે તેને ‘નવસારી કુડો સ્ટુડન્ટ ઓફ ધ યર’ના પુરસ્કારથી પણ નવાજવામાં આવી હતી. આ એવોર્ડ તેને હર્ષ સંઘવીના હસ્તે એનાયત કરવામાં આવ્યો હતો.

નિધિની સફળતા બદલ નવસારી કુડો એસોસિએશને તેને અભિનંદન પાઠવી ઉજ્જવળ ભવિષ્ય માટે શુભેચ્છાઓ આપી હતી. નિધિએ પોતાની સફળતા પાછળ કોચ સેન્સેઈ મયુર વ્હાણેચા અને સેન્સેઈ તરુણ ઢીમ્મરના માર્ગદર્શન અને તાલીમનો મહત્વનો ફાળો હોવાનું જણાવ્યું હતું.

નિધિની આ સિદ્ધિ નવસારીના અન્ય યુવા રમતવીરો માટે પણ પ્રેરણારૂપ બની છે અને મહેનત, શિસ્ત તથા દૃઢ નિશ્ચયથી સફળતા હાંસલ કરી શકાય છે તેનો સંદેશ આપે છે.