ટ્રેડીશનલ સ્કૂલ ઓફ માર્શલ આર્ટ દ્વારા કરાટે કલર બેલ્ટ પરીક્ષા યોજાઈ

43 વિદ્યાર્થીઓએ વિવિધ કલર બેલ્ટ પરીક્ષા પાસ કરી, સર્ટિફિકેટ-બેલ્ટ અને ટ્રોફી એનાયત

નવસારી : ટ્રેડીશનલ સ્કૂલ ઓફ માર્શલ આર્ટ નેશનલ ડિફેન્સ કરાટે એકેડમી દ્વારા કરાટે કલર બેલ્ટની પરીક્ષા લેવામાં આવી હતી. સેન્સાઈ અમોલ સાલવે, સેન્ડાઇ અનીલ યાદવ તથા શાળાના કરાટે કોચ તરુણ રાઠોડ જેવા અનુભવી કોચના માર્ગદર્શન હેઠળ પરીક્ષા યોજાઈ હતી.

આ પરીક્ષામાં આશરે 43 વિદ્યાર્થીઓએ વિવિધ કરાટે કલર બેલ્ટની પરીક્ષા સફળતાપૂર્વક પાસ કરી હતી. ગત 5મીએ મુખ્ય મહેમાન હિમાંશુ પટેલ તથા સંજુબેન પટેલના હસ્તે હેમાલી ઇંગ્લિશ પ્રાયમરી એન્ડ મોડર્ન ઇંગ્લિશ સેકન્ડરી સ્કૂલના વિદ્યાર્થીઓને સર્ટિફિકેટ, બેલ્ટ તથા ટ્રોફી એનાયત કરવામાં આવી હતી અને બાળકોને શુભેચ્છા પાઠવવામાં આવી હતી.

આ ઉપરાંત શાળાના ટ્રસ્ટીઓ અને આચાર્યોને શાળાના કરાટે કોચ તરુણ રાઠોડ દ્વારા મોમેન્ટો આપી સન્માનિત કરવામાં આવ્યા હતા. શાળાના ટ્રસ્ટી વસંતભાઈ એમ. ટંડેલ, ધનજીભાઈ છભાયા, શાળાના આચાર્ય બિપીનભાઈ પ્રજાપતિ, મયંકભાઈ પટેલ તથા શાળા પરિવાર તરફથી તમામ વિદ્યાર્થીઓને શુભેચ્છાઓ પાઠવવામાં આવી હતી.